بیٹی کیلئے

شاعر : گل بخشالوی

, بیٹی کیلئے

میں تجھ پہ ناز کروں میری لاڈلی ہے تو
مری حیات کے گلشن کی تازگی ہے تو
قلم کتاب کی پہچان دوستی ہے تو
میں جانتا ہوں کہ دختر تو عام سی ہے تو
میں جب کبھی بھی تجھے پیار سے بُلاؤں تو
نسیم ِ صبح سی بولے ،،میں آئی جی ،،ہے تو
کہا تھا آپ نے تعلیم میرا زیور ہے
میں جانتا ہوں کہ پکی زبان کی ہے تو
مری حیاوتقدس کی تو ضمانت ہے
مرا وجود ہے اور میری روشنی ہے تو
ترے وجود سے احساس یہ ہوا مجھ کو
مرے لہو کی حرارت ہے زندگی ہے تو
مری دعا ہے کہ شاداب تیرا جیون ہو
کہ میرے دین کی ملت کی آن بھی ہے تو

شیئر کریں
والدین کا دیا ہوا نام : سبحان الدین ۔ قلمی نام : گل بخشالوی ۔ تعلیم : میٹرک ( پرائیویٹ ) پیدائش 30مئی 1952 ۔ مقام ِ پیدائش : بخشالی ضلع مردان،خیبر پختونخواہ ۔مادری زبان : پشتو شاعر کالم نگار ادب دوست ، ناظم اعلیٰ قلم قافلہ کھاریاں۔ ادبی سفر کا باقاعدہ آغاز1984ء حال مقیم کھاریاں شہر ضلع گجرات پنجاب (پاکستان)
1 Comment
  1. Avatar

    خوبصورت اظہار🌀

    Reply

کمنٹ کریں