غم کے موضوع پر اشعار

Read Urdu Poetry on the topic of Gham Urdu Shayari (Ghamgeen Shayari / Dhukh Pe Shayari). You can read famous Urdu Poems about Sorrow Urdu Poetry and Sad Hurting Urdu Poetry Sher o Shayari Whatsapp Status. Best and popular Urdu Ghazals and Nazms can be shared with friends. Urdu Tiktok Status Poetry and Facebook Share Urdu Poetry available.

دکھ درد غم پر شاعری

غم زندگی میں ایک مستقل وجود کی حیثیت سے قائم ہے اس کے مقابلے میں خوشی کی حیثیت بہت عارضی ہے ۔ شاعری میں غمِ دوراں ، غمِ جاناں ، غمِ عشق ، غمِ روزگا جیسی ترکیبیں کثرت کے سا تھ استعمال میں آئی ہیں ۔ شاعری کا یہ حصہ دراصل زندگی کے سچ کا ایک تکلیف دہ بیانیہ ہے۔ ہمارا یہ انتخاب غم اوردکھ کے وسیع ترعلاقے کی ایک چھوٹی سی سیر ہے۔


دل ناامید تو نہیں ناکام ہی تو ہے
لمبی ہے غم کی شام مگر شام ہی تو ہے
فیض احمد فیض

کر رہا تھا غم جہاں کا حساب
آج تم یاد بے حساب آئے
فیض احمد فیض

اپنے چہرے سے جو ظاہر ہے چھپائیں کیسے
تیری مرضی کے مطابق نظر آئیں کیسے
وسیم بریلوی

ساری دنیا کے غم ہمارے ہیں
اور ستم یہ کہ ہم تمہارے ہیں
جون ایلیا


اب تو خوشی کا غم ہے نہ غم کی خوشی مجھے
بے حس بنا چکی ہے بہت زندگی مجھے
شکیل بدایونی

غم اور خوشی میں فرق نہ محسوس ہو جہاں
میں دل کو اس مقام پہ لاتا چلا گیا
ساحر لدھیانوی

پتھر کے جگر والو غم میں وہ روانی ہے
خود راہ بنا لے گا بہتا ہوا پانی ہے
بشیر بدر

غم کے موضوع پر اشعار

غم دنیا بھی غم یار میں شامل کر لو
نشہ بڑھتا ہے شرابیں جو شرابوں میں ملیں
احمد فراز

میری قسمت میں غم گر اتنا تھا
دل بھی یارب کئی دیے ہوتے
مرزا غالب

اس قدر مسلسل تھیں شدتیں جدائی کی
آج پہلی بار اس سے میں نے بے وفائی کی
احمد فراز


اے غم زندگی نہ ہو ناراض
مجھ کو عادت ہے مسکرانے کی
عبدالحمید عدم

ان کا غم ان کا تصور ان کی یاد
کٹ رہی ہے زندگی آرام سے
محشر عنایتی

ایک وہ ہیں کہ جنہیں اپنی خوشی لے ڈوبی
ایک ہم ہیں کہ جنہیں غم نے ابھرنے نہ دیا
آزاد گلاٹی

غم کے موضوع پر اشعار

قید حیات و بند غم اصل میں دونوں ایک ہیں
موت سے پہلے آدمی غم سے نجات پاے کیوں
مرزا غالب

غم سے بکھرا نہ پائمال ہوا
میں تو غم سے ہی بے مثال ہوا
حسن نعیم

میں رونا چاہتا ہوں خوب رونا چاہتا ہوں میں
پھر اس کے بعد گہری نیند سونا چاہتا ہوں میں
فرحت احساس

جب تجھے یاد کر لیا صبح مہک مہک اٹھی
جب ترا غم جگا لیا رات مچل مچل گئی
فیض احمد فیض


غم ہے نہ اب خوشی ہے نہ امید ہے نہ یاس
سب سے نجات پائے زمانے گزر گئے
خمار بارہ بنکوی

تجھ کو پا کر بھی نہ کم ہو سکی بے تابئ دل
اتنا آسان ترے عشق کا غم تھا ہی نہیں
فراق گورکھپوری

مصیبت اور لمبی زندگانی
بزرگوں کی دعا نے مار ڈالا
مظفر خیر آبادی

مجھے خبر نہیں غم کیا ہے اور خوشی کیا ہے
یہ زندگی کی ہے صورت تو زندگی کیا ہے

غم کے موضوع پر اشعار

غم میں کچھ غم کا مشغلا کیجے
درد کی درد سے دوا کیجے
منظر لکھنوی

یہ غم نہیں ہے کہ ہم دونوں ایک ہو نہ سکے
یہ رنج ہے کہ کوئی درمیان میں بھی نہ تھا
جمال احسانی

ارے او آسماں والے بتا اس میں برا کیا ہے
خوشی کے چار جھونکے گر ادھر سے بھی گزر جائیں
ساحر لدھیانوی

ان کا غم ان کا تصور ان کے شکوے اب کہاں
اب تو یہ باتیں بھی اے دل ہو گئیں آئی گئی
ساحر لدھیانوی


کیا کہوں کس طرح سے جیتا ہوں
غم کو کھاتا ہوں آنسو پیتا ہوں
میر اثر

ہم کو کس کے غم نے مارا یہ کہانی پھر سہی
کس نے توڑا دل ہمارا یہ کہانی پھر سہی
مسرور انور

غم ہے آوارہ اکیلے میں بھٹک جاتا ہے
جس جگہ رہئے وہاں ملتے ملاتے رہئے
ندا فاضلی

جمع ہم نے کیا ہے غم دل میں
اس کا اب سود کھائے جائیں گے
جون ایلیا

غم کے موضوع پر اشعار

مری زندگی پہ نہ مسکرا مجھے زندگی کا الم نہیں
جسے تیرے غم سے ہو واسطہ وہ خزاں بہار سے کم نہیں
شکیل بدایونی

درد و غم دل کی طبیعت بن گئے
اب یہاں آرام ہی آرام ہے
جگر مرادآبادی

اگر موجیں ڈبو دیتیں تو کچھ تسکین ہو جاتی
کناروں نے ڈبویا ہے مجھے اس بات کا غم ہے
دواکر راہی


اک عشق کا غم آفت اور اس پہ یہ دل آفت
یا غم نہ دیا ہوتا یا دل نہ دیا ہوتا
چراغ حسن حسرت

اشک غم دیدۂ پر نم سے سنبھالے نہ گئے
یہ وہ بچے ہیں جو ماں باپ سے پالے نہ گئے
میر انیس

دل گیا رونق حیات گئی
غم گیا ساری کائنات گئی
جگر مرادآبادی

غم کے موضوع پر اشعار

غم کی دنیا رہے آباد شکیلؔ
مفلسی میں کوئی جاگیر تو ہے
شکیل بدایونی

زندگی دی حساب سے اس نے
اور غم بے حساب لکھا ہے
اعجاز انصاری

سکون دے نہ سکیں راحتیں زمانے کی
جو نیند آئی ترے غم کی چھاؤں میں آئی
پیام فتحپوری

اک اک قدم پہ رکھی ہے یوں زندگی کی لاج
غم کا بھی احترام کیا ہے خوشی کے ساتھ
کیفی بلگرامی


الٰہی ایک غم روزگار کیا کم تھا
کہ عشق بھیج دیا جان مبتلا کے لیے
حفیظ جالندھری

غم ہستی کا اسدؔ کس سے ہو جز مرگ علاج
شمع ہر رنگ میں جلتی ہے سحر ہوتے تک
مرزا غالب

غم مجھے دیتے ہو اوروں کی خوشی کے واسطے
کیوں برے بنتے ہو تم ناحق کسی کے واسطے
ریاض خیر آبادی

تم اتنا جو مسکرا رہے ہو
کیا غم ہے جس کو چھپا رہے ہو
کیفی اعظمی

غم کے موضوع پر اشعار

بھولے بسرے ہوئے غم پھر ابھر آتے ہیں کئی
آئینہ دیکھیں تو چہرے نظر آتے ہیں کئی
فضیل جعفری

دل دبا جاتا ہے کتنا آج غم کے بار سے
کیسی تنہائی ٹپکتی ہے در و دیوار سے
اکبر حیدر آبادی

مسرت زندگی کا دوسرا نام
مسرت کی تمنا مستقل غم
جگر مرادآبادی

تھی تتلیوں کے تعاقب میں زندگی میری
وہ شہر کیا ہوا جس کی تھی ہر گلی میری
اختر ہوشیار پوری

ہزار طرح کے تھے رنج پچھلے موسم میں
پر اتنا تھا کہ کوئی ساتھ رونے والا تھا
جمال احسانی

عیش ہی عیش ہے نہ سب غم ہے
زندگی اک حسین سنگم ہے
علی جواد زیدی

لذت غم تو بخش دی اس نے
حوصلے بھی عدمؔ دیے ہوتے
عبدالحمید عدم

شیئر کریں
صدف اقبال بہار، انڈیا سے تعلق رکھنے والی معروف شاعرہ اور افسانہ نگار ہیں۔

کمنٹ کریں