گناہ لفظ پہ شعر

Read Urdu Poetry on the topic of Gunaah Par Urdu Shayari (Gunah Pe Sher o Shayari). You can read famous Urdu Poems about Gunehgar Urdu Poetry (Gunahgaar Poetry in Urdu language) and Urdu Sher o Shayari Whatsapp Status. Best and popular Urdu Ghazals and Nazms can be shared with friends. Urdu Tiktok Status Poetry and Facebook Share Urdu Poetry available.

گناہ پر شاعری
Photo by Maruxa Lomoljo Koren on <a href="https://www.pexels.com/photo/red-neon-light-signage-3887574/" rel="nofollow">Pexels.com</a>

گناہ ایک خالص مذہبی تصور ہے لیکن شاعروں نے اسے بہت مختلف طور سے لیا ہے ۔ گناہ کا خوف میں مبتلا کر دینے والا خیال ایک خوشگوار صورت میں تبدیل ہوگیا ہے ۔ یہ شاعری آپ کو گناہ ، ثواب ،خیر وشر کے حوالے سے بالکل ایک نئے بیانیے سے متعارف کرائے گی۔


کوئی سمجھے تو ایک بات کہوں
عشق توفیق ہے گناہ نہیں
فراق گورکھپوری

اک فرصت گناہ ملی وہ بھی چار دن
دیکھے ہیں ہم نے حوصلے پروردگار کے
فیض احمد فیض

یوں زندگی گزار رہا ہوں ترے بغیر
جیسے کوئی گناہ کئے جا رہا ہوں میں
جگر مراد آبادی

گناہ لفظ پہ شعر

اس بھروسے پہ کر رہا ہوں گناہ
بخش دینا تو تیری فطرت ہے
نامعلوم

مرے گناہ زیادہ ہیں یا تری رحمت
کریم تو ہی بتا دے حساب کر کے مجھے
مضطر خیر آبادی

آتا ہے داغ حسرت دل کا شمار یاد
مجھ سے مرے گنہ کا حساب اے خدا نہ مانگ
مرزا غالب

گناہ گن کے میں کیوں اپنے دل کو چھوٹا کروں
سنا ہے تیرے کرم کا کوئی حساب نہیں
یگانہ چنگیزی

فرشتے حشر میں پوچھیں گے پاک بازوں سے
گناہ کیوں نہ کیے کیا خدا غفور نہ تھا
نامعلوم

تیری بخشش کے بھروسے پہ خطائیں کی ہیں
تیری رحمت کے سہارے نے گنہ گار کیا
مبارک عظیم آبادی

گناہ لفظ پہ شعر

پوچھے گا جو خدا تو یہ کہہ دیں گے حشر میں
ہاں ہاں گنہ کیا تری رحمت کے زور پر
نامعلوم

وہ کون ہیں جنہیں توبہ کی مل گئی فرصت
ہمیں گناہ بھی کرنے کو زندگی کم ہے
آنند نارائن ملا

گنہگاروں میں شامل ہیں گناہوں سے نہیں واقف
سزا کو جانتے ہیں ہم خدا جانے خطا کیا ہے
چکبست برج نارائن

دیکھا تو سب کے سر پہ گناہوں کا بوجھ تھا
خوش تھے تمام نیکیاں دریا میں ڈال کر
محمد علوی

شرکت گناہ میں بھی رہے کچھ ثواب کی
توبہ کے ساتھ توڑیئے بوتل شراب کی
ظہیر دہلوی

رحمتوں سے نباہ میں گزری
عمر ساری گناہ میں گزری
شکیل بدایونی

گناہ لفظ پہ شعر

وہ جو رات مجھ کو بڑے ادب سے سلام کر کے چلا گیا
اسے کیا خبر مرے دل میں بھی کبھی آرزوئے گناہ تھی
احمد مشتاق

گناہوں سے ہمیں رغبت نہ تھی مگر یا رب
تری نگاہ کرم کو بھی منہ دکھانا تھا
نریش کمار شاد

سنا ہے خواب مکمل کبھی نہیں ہوتے
سنا ہے عشق خطا ہے سو کر کے دیکھتے ہیں
حمیرا راحت

گناہ گار تو رحمت کو منہ دکھا نہ سکا
جو بے گناہ تھا وہ بھی نظر ملا نہ سکا
نشور واحدی

مرے خدا نے کیا تھا مجھے اسیر بہشت
مرے گنہ نے رہائی مجھے دلائی ہے
احمد ندیم قاسمی

محبت نیک و بد کو سوچنے دے غیر ممکن ہے
بڑھی جب بے خودی پھر کون ڈرتا ہے گناہوں سے
آرزو لکھنوی

گناہ لفظ پہ شعر

عشق میں وہ بھی ایک وقت ہے جب
بے گناہی گناہ ہے پیارے
آنند نارائن ملا

اپنے کسی عمل پہ ندامت نہیں مجھے
تھا نیک دل بہت جو گنہ گار مجھ میں تھا
حمایت علی شاعر

خود پرستی خدا نہ بن جائے
احتیاطاً گناہ کرتا ہوں
اکبر حیدرآبادی

لذت کبھی تھی اب تو مصیبت سی ہو گئی
مجھ کو گناہ کرنے کی عادت سی ہو گئی
بیخود موہانی

گناہ کر کے بھی ہم رند پاک صاف رہے
شراب پی تو ندامت نے آب آب کیا
جلیل مانک پوری

مجھے گناہ میں اپنا سراغ ملتا ہے
وگرنہ پارسا و دین دار میں بھی تھا
ساقی فاروقی

آرزوؔ جام لو جھجک کیسی
پی لو اور دہشت گناہ گئی
آرزو لکھنوی

گناہ لفظ پہ شعر

روح میں رینگتی رہتی ہے گنہ کی خواہش
اس امربیل کو اک دن کوئی دیوار ملے
ساقی فاروقی

ناکردہ گناہوں کی بھی حسرت کی ملے داد
یا رب اگر ان کردہ گناہوں کی سزا ہے
مرزا غالب

خاموش ہو گئیں جو امنگیں شباب کی
پھر جرأت گناہ نہ کی ہم بھی چپ رہے
حفیظ جالندھری

محسوس بھی ہو جائے تو ہوتا نہیں بیاں
نازک سا ہے جو فرق گناہ و ثواب میں
نریش کمار شاد

یاد آئے ہیں اف گنہ کیا کیا
ہاتھ اٹھائے ہیں جب دعا کے لئے
ذکی کاکوروی

کہے گی حشر کے دن اس کی رحمت بے حد
کہ بے گناہ سے اچھا گناہگار رہا
ہجر ناظم علی خان

گناہ لفظ پہ شعر

کیا کیجئے کشش ہے کچھ ایسی گناہ میں
میں ورنہ یوں فریب میں آتا بہار کے
گوپال متل

زاہد امید رحمت حق اور ہجو مئے
پہلے شراب پی کے گناہگار بھی تو ہو
امیر مینائی

یہ کیا کہوں کہ مجھ کو کچھ گناہ بھی عزیز ہیں
یہ کیوں کہوں کہ زندگی ثواب کے لیے نہیں
محبوب خزاں

گزر رہا ہوں کسی جنت جمال سے میں
گناہ کرتا ہوا نیکیاں کماتا ہوا
اختر رضا سلیمی

تعزیر جرم عشق ہے بے صرفہ محتسب
بڑھتا ہے اور ذوق گنہ یاں سزا کے بعد
الطاف حسین حالی

شیئر کریں
صدف اقبال بہار، انڈیا سے تعلق رکھنے والی معروف شاعرہ اور افسانہ نگار ہیں۔

کمنٹ کریں