جادو کے اقسام

جادو کے اقسام
جادو کے اقسام

مضمون نگار : خنجر عظیم آبادی

جادو کی بے شمار اقسام ہیں ان میں سے ہمارے علم یا تجربہ میں آنے والی چند اقسام کی تفصیل اس طرح سے ہے :۔


کلام کا جادو منتر :


اس قسم کے جادو میں ساحر کسی بھی قسم کی پڑھائی کے ذریعے کسی شخص پر سحرکرتاہے ،


تعویذ جلانا جنتر:


بعض دفعہ خاص قسم کا تعویذ لکھ کر اسے جلانے سے مطلوبہ شخص پر جادو مسلط کیا جاتا ہے ۔یہ طریقہ محبت اور ہلاکت کے لئے زیادہ استعمال کیاجاتاہے ،


تعویذ دفنانا :


بعض خاص قسم کے مقاصد کے لئے جادوگر تعویذ لکھ کر اسے زمیں میں ، قبر میں ، مطلوبہ شخض کے گھر میں یااس کے راستے میں دفنا دیتاہے ۔ ایسے تعویذ ہلاکت ،جدائی اور محبت کیلئے استعمال میں لائے جاتے ہیں ،


تعویذ بہانا:


بعض دفعہ عامل تعویذ کوپانی میں بہاکر مختلف قسم کے مقاصدحاصل کرتاہے،


تعویذ پلانا:


بعض مقاصد (محبت ، ہلاکت ، بیماری وغیرہ ) کے لئے مطلوبہ فردکوتعویذ پانی میں گھول کر پلایا جاتا ہے اور اس سے مطلوبہ نتائج زیادہ جلدی اور زیادہ پختہ نکلتے ہیں ۔


سحری اشیاء کھلانا :


بعض دفعہ ساحر کسی چیز پر پڑھا ئی کرکے دیتاہے کہ مطلوبہ شخص کو یہ کھلا دیاجائے ۔ محبت ، بیماری ، ہلاکت اور نفرت کے لئے ایسے عملیات بہت عام ہیں۔


مسان کی راکھ کھلانا:


بعض عملیات میں جادو گر کسی کھانے پینے کی چیز میں ہندؤوں کی مرگھٹ سے مردوں کوجلا ئے جانے والی راکھ ملاکر مطلوبہ شخص کوکھلا تا ہے ۔ ایسا عمل ہلاکت اور بیماری کے لئے کیا جاتاہے اور نہایت خطرناک بھی ہوتاہے اور اس کا علاج بھی بہت مشکل ہوتاہے ۔


تعویذ ہوامیں لٹکانا :


بعض مقاصد کے لئے ساحر کوئی تعویذ لکھ کر سائل کودیتاہے کہ اسے اپنے گھر میں، ویرانے میں ، قبرستان میں یامطلوبہ شخص کے گھر کے پاس لٹکا دو۔ ایسے تعویذ محبت کیلئے بھی کار آمد ہوتے ہیں اور جدائی کے بعض اعمال میں بھی استعمال ہوتے ہیں ۔


پتلے میں سوئیاں چبھونا:


بعض دفعہ ساحر مطلوبہ شخص کے نام پر کپڑے کا ایک پتلا بناتا ہے اور اس کو جن اعضاء کی بیماریوں میں مبتلا کرنا ہوان اعضاء میں سوئیاں چبھوکر وہ پتلا کسی قبر وغیرہ میں دفن کردیتاہے ۔ کچھ عرصے کے اندر اندر مسحور شخص کو ان اعضاء میں طرح طرح کی تکلیفیں شروع ہوجاتی ہے جن اعضاء (پیٹ ،دل ، دماغ ، گردے ) میں ساحر نے سوئیاں چبھوئی ہوتی ہیں ۔بعض دفعہ زیادہ مدت گذر جانے اور سوئیوں کو زنگ لگ جانے کے بعد ایسے مسحور کا علاج دشوار اور بعض دفعہ ناممکن ہوجاتاہے ۔


موم کی گڑیا پر عمل :


بعض دفعہ جادوگر موم کے پتلے پر عمل کرکے اسے ہلکی آنچ پر رکھنے کوکہتا ہے۔ جوں جوں اسے تپش پہنچتی ہے تو ں توں اس کا مسحور پر اثر ظاہر ہوتاہے ۔ اگر محبت کے لئے ایسا عمل کیاگیا ہوتو اس کے دل میں طالب کے لئے محبت ، کشش ،تپش اور بے قراری پیدا ہوتی ہے اور اگر ہلاکت یابیماری کے لئے کیا گیا ہوتو اسے طرح طرح کی جسمانی بیمار یاں لاحق ہوتی ہیں اور وہ بستر سے لگ جاتاہے ۔


ہنڈیا چلانا ، مٹھ چلانا:


یہ ایک نہایت خطرناک اور مہلک عمل ہے اس عمل سے مطلوبہ شخص منٹوں میں ہلاکت کاشکار ہوجاتاہے ۔ اسے ہانڈی چلانا بھی کہا جاتا ہے اور مٹھ چلانا بھی جادو گر ایک پتلے پر عمل کرکے اسے ایک ہنڈیا میں ڈال کر ایسی جگہ آکر اس پر پڑھائی کرتا ہے جہاں سے اس ہنڈیااور مطلوبہ شخص کے گھر کے درمیان کوئی آبی گذر گاہ (دریا ، نہر ، پانی کا نالہ ) حائل نہ ہو۔ اس عمل سے وہ ہنڈیا ہوامیں اڑتی مطلوبہ شخص کے گھر تک پہنچتی ہے اور اس کی چھت کے قریب پہنچ کرباقاعدہ اردویا مقامی زبان میں ہدف کو چیلنج کرتی ہے کہ میں آگئی ہوں۔ تو اگر اپنا بچاؤکرسکتا ہے تو کرلے ۔اس آواز کے ساتھ دھڑام سے وہ ہنڈیا مکان کی چھت پر یااس گھر کا صحن ہوتو صحن میں گر کر پھٹ جاتی ہے ۔ اور اس کے پھٹتے ہی مطلوبہ شخص کادل یا جسم کا کوئی اور عضوِرئیسی پھٹ جاتاہے اور ہسپتال پہنچنے سے پہلے اس کی موت واقع ہوجاتی ہے ۔


ہنڈیاکا عمل پلٹنا :


اگر خدا نخواستہ کسی عامل کوایسی ہنڈیا کا سامنا کرنا پڑجائے۔ خواہ وہ اس پر حملہ آور ہو یا کسی اور پر حملہ آور ہو ۔تو وہ عامل ( کامل صاحب زکوة ) شہادت کی انگلی سے اس ہنڈیا کو کچھ پڑھے بغیر صرف اشارہ کرکے یہ کہے کہ جس طرف سے آئی ہو، اسی طرف واپس پلٹ جاؤ تو وہ ہنڈیا اس جادو گر پر پلٹ جاتی ہے اور اسے بچنے کا موقعہ بھی نہیں دیتی ،


بکری کی سری سے جادو:


بعض عملیات ایسے ہیں جوجادو گر بکرے کی سری پر کرتے ہیں۔ ان میں زیادہ تر بیماری اور ہلاکت کے ہوتے ہیں۔ یہ سری قبر میں دفنائی بھی جاتی ہے اور ویرانے یامطلوب کے راستے میں میں پھینکی بھی جاتی ہے ،


گدھے کے چمڑے پر عمل :


ہلاکت اور بیماری کے بعض عملیات گدھے کے چمڑے پر کئے جاتے ہیں ۔ گدھے کے چمڑے پر دماغ کو متأثر ، ماؤف یاخراب کرنے والے اور کسی کی محبت میں دیوانہ بنانے والے عملیات زیادہ کئے جاتے ہیں ۔


الوکے خون سے :


بیماری اور ہلاکت کے بدترین سحری عملیات میں سے ایک یہ ہے کہ جادوگر الوکے خون سے کاغذ پر تعویذ لکھ کر استعمال میں لاتاہے ۔ الوکے خون سے محبت اور تسخیرِ خصوصی کے عملیات بھی کئے جاتے ہیں ۔ اور سائنس کی سرچ کے مطابق الو کے خون میں پاگل کے خلیات بھی پاۓ جاتے ہیں۔


الوکی کھال سے:


الوکے خون کی طرح اس کی چمڑی پر بھی تعویذ لکھا جاتاہے اور اسے بھی متعدد مقاصد میں استعمال کیاجاتاہے ۔


ماہواری کاخون :


تسخیر ومحبت کے عملیات میں جادوگر، عورتوں سے ان کی ماہواری کا خون منگواکر اس پر عمل کرتے اور اسے جلاکر اس کی راکھ شربت میں ملا کر خاوند (یا مطلوبہ شخص ) کوپلا نے کیلئے کہتے ہیں،
اس کے علاوہ بھی کئی اقسام ہیں، اللہ تعالی جادو سے ٹونے سے آثیب اثرات،خطرات، سے ہماری ہمارے گھر والوں کی تمام عالم اسلام کی حفاظت فرمائے، مسلمانوں کو ہر محاذ میں کامیاب فرمائے،
جملہ پریشان حالوں کی پریشانیاں حل فرمائے اور جملہ حاجت مندوں کی حاجت پوری فرمائے بیماروں کو شفاء کلی عطاء فرمائے،
ان تمام صورتوں میں جادو کے حل کے لیے کسی قچھے روحانی معالج سے رجوع کریں

شیئر کریں

کمنٹ کریں