کاروان پر شاعری

روٹھ جانے پر شاعری, کاروان پر شاعری

کاروان کے موضوع پر اردو کی بہترین شاعری کا انتخاب پڑھیں اور پسند آنے پر دوستوں سے ساتھ شیئر کریں۔

یہ کس مقام پہ پہنچا ہے کاروان وفا
ہے ایک زہر سا پھیلا ہوا فضاؤں میں
ایوب صابر

چلا جاتا ہے کاروان نفس
نہ بانگ درا ہے نہ صوت جرس
وحشتؔ رضا علی کلکتوی

جہاں تک گیا کاروان خیال
نہ تھا کچھ بجز حسرت پائمال
انجم رومانی

اجل نے لوٹ لیا آ کے کاروان حیات
سنا رہا ہوں زمانہ کو داستان حیات
افقر موہانی

یہ کس مقام پہ ٹھہرا ہے کاروان وفا
نہ روشنی کی کرن ہے کہیں نہ تازہ ہوا
رضا ہمدانی

میں کہاں کاروان شوق کہاں
اب وہ تب سا جہان شوق کہاں
سہیل آزاد

وہ کاروان بہاراں کہ بے درا ہوگا
سکوت غنچہ کی منزل پہ رک گیا ہوگا
عارف عبدالمتین

ہے سفر میں کاروان بحر و بر کس کے لیے
ہو رہا ہے اہتمام خشک و تر کس کے لیے
محمد خالد

زخود گزشتن دل کاروان حیرت ہے
نگہ غبار ادب گاہ جلوہ فرمائی
مرزا غالب

آئے ہیں پارہ ہائے جگر درمیان اشک
لایا ہے لعل بیش بہا کاروان اشک
مرزا غالب

جرس ہے کاروان اہل عالم میں فغاں میری
جگا دیتی ہے دنیا کو صدائے الاماں میری
سیماب اکبرآبادی

کیا کاروان ہستی گزرا روا روی میں
فردا کو میں نے دیکھا گرد و غبار دی میں
نظم طبا طبائی

رک جا اے کاروان امروز
ماضی میرا کچل گیا ہے
شمیم کرہانی

چلتا جاتا ہے کاروان حیات
ابتدا کیا ہے انتہا کیا ہے
ندا فاضلی

خون آنکھوں سے نکلتا ہی رہا
کاروان اشک چلتا ہی رہا
اشرف علی فغاں

جاگ کر رات ہم نے گزاری
پوچھ لو کاروان سحر سے
فرید جاوید

طمع پندار جور حرص فریب
گامزن کاروان زر دیکھا
سید حامد

تو نے مجھ سے کوئی سوال کیا
کاروان حیات رفتہ کیا
بشیر بدر

کاروان حیات میں خود کو
ہر قدم اجنبی سا پاتے ہیں
متین نیازی

موسم زرنگاہ آوارہ
کاروان بہار آوارہ
عشرت رومانی

شیئر کریں
مدیر
مصنف: مدیر
لفظ نامہ ڈاٹ کام کی اداریہ ٹیم کے مدیران کی جانب سے

کمنٹ کریں