لالچ پر شاعری

Read Urdu Poetry on the topic of Laalach Par Urdu Shayari (Hawas Pe Sher o Shayari). You can read famous Urdu Poems about Greed Urdu Poetry (Lalachi Shakhs Poetry in Urdu language) and Urdu Sher o Shayari Whatsapp Status. Best and popular Urdu Ghazals and Nazms can be shared with friends. Urdu Tiktok Status Poetry and Facebook Share Urdu Poetry available.

لالچ حرص ہوس پر شاعری


خیرات کا مجھے کوئی لالچ نہیں ظفرؔ
میں اس گلی میں صرف صدا کرنے آیا ہوں
ظفر اقبال

لالچ کے سمندر میں ایمان کی کشتی ہے
ہر قوم زمانے کی یہ دیکھ کے ہنستی ہے
جس قوم نے بھی اپنی تہذیب مٹا ڈالی
وہ قوم زمانے میں عزت کو ترستی ہے
نامعلوم

تنک اودھر ہی رہ اے حرص دنیا
نہ دے تکلیف اس گوشہ نشیں کو
جوشش عظیم آبادی

دولت کے دانت کند کئے میرے حرص نے
کھٹا تمام شربت دینار کر دیا
منیرؔ  شکوہ آبادی

بے حرص و غرض قرض ادا کیجیے اپنا
جس طرح پولس کرتی ہے چالان وغیرہ
انور مسعود

لالچ پر شاعری

ہندو و مسلمین ہیں حرص و ہوا پرست
ہو آشنا پرست وہی ہے خدا پرست
ولی عزلت

تہمت جرم و خطا حرص و ہوا غفلت دل
ہم نے بازار سے ہستی کے لیا کیا کیا کچھ
مرزا مسیتابیگ منتہی

اس میں نہیں ہے دخل کوئی خوف و حرص کا
اس کی جزا، نہ اس کی سزا ہے، یہ عشق ہے
عرفان ستار

مدت سے اشتیاق ہے بوس و کنار کا
گر حکم ہو شروع کرے اپنا کام حرص
پروین ام مشتاق

یہ بت حرص و ہوا کے دل کے جب کعبہ میں توڑوں گا
تمہاری سبحہ میں کب شیخ جی زنار چھوڑوں گا
عشق اورنگ آبادی

لالچ پر شاعری

گدا کو گر قناعت ہو تو پھاٹا چیتھڑا بس ہے
وگرنہ حرص آگے تھان سو گز کا لنگوٹی ہے
شیخ ظہور الدین حاتم

ترک دے اسلام کو اور کفر سارا دور کر
چھوڑ دے حرص و ہوا فرزند اور زن بھول جا
علیم اللہ

اہل زر نے دیکھ کر کم ظرفئ اہل قلم
حرص زر کے ہر ترازو میں سخن ور رکھ دیے
بخش لائلپوری

اہل ہوس تو خیر ہوس میں ہوئے ذلیل
وہ بھی ہوئے خراب، محبت جنہوں نے کی
احمد مشتاق

یہ تمیز عشق و ہوس نہیں ہے حقیقتوں سے گریز ہے
جنہیں عشق سے سروکار ہے وہ ضرور اہل ہوس بھی ہیں
حفیظ ہوشیارپوری



شیئر کریں
صدف اقبال بہار، انڈیا سے تعلق رکھنے والی معروف شاعرہ اور افسانہ نگار ہیں۔

کمنٹ کریں