موبائل اور بچپن

نظم نگار : ڈاکٹر صالحہ صدیقی
lafznamaweb@gmail.com

, موبائل اور بچپن

معصوم بچپن میں اے موبائل آنا ترا
چھین کر لے گیا ان سے سہانا بچپن
تو جب سے آیا ہے
سنائی نہیں پڑتی بچوں کی آوازیں
نہ نانی کی کہانیاں ہیں
نہ دادی کی میٹھی لوریاں
نہ بچپن کی ہٹھ کھیلیاں
نہ وہ شرارتیں نہ وہ کلکاریاں
تونے الجھا دیا ویڈیوں گیم میں
نہ وہ دھول مٹی میں کھیلتے بچے
نہ وہ ہڈدنگ نہ وہ ضدی بچے


نہ وہ روٹھنا نہ وہ منانا
نہ وہ ضد کر کے ماؤں کا آنچل پکڑنا
پھر دلار سے لاڈ سے ماؤں کا منانا
پھر مان کر بچوں کا مسکرانا
انگلیوں پر جوڑ گھٹانا
سوالوں کی پھلجھڑیاں جلانا
لیکن اب نہیں وہ بچپن کا فسانہ
چھین لیا موبائل نے وہ سہانا زمانہ
کاش کوئی لوٹا دے وہ بچپن پیارا
وہ کاغذ کی کشتی ،وہ گزرا زمانہ
وہ معصوم بچے ،وہ معصوم بچے

شیئر کریں
ڈاکٹر صالحہ صدیقی کی پیدائش اعظم گڑھ یو۔پی کی ہے یہ الہٰ آباد میں مقیم ہیں ۔ابتدائی تعلیم مدرستہ البنات،منگراواں،اعظم گڑھ میں حاصل کی انہوں نےپی ۔ایچ۔ڈی کی ڈگری جامعہ ملیہ اسلامیہ نئی دہلی (موضوع : علامہ اقبال کی اردو شاعری میں ڈرامائی عناصر:نگراں وجیہ الدین شہپر رسول )سے حاصل کی ۔ مرتب کئی کتابیں مرتب کی ہیں جن میں اردو ادب میں تانیثیت کی مختلف جہتیں ، ضیائے اردو ’’ضیاء ؔ فتح آبادی ‘‘ ،نیاز نامہ ’’نیاز جیراج پوری :حیات و جہات قابل ذکر ہیں ۔ تصنیفات : علامہ اقبال کی زندگی پر مبنی ڈراما ’’ علامہ ‘‘ تراجم (اردو سے ہندی ) :’’ضیاء فتح آبادی کا افسانوی مجموعہ ‘‘ سورج ڈوب گیاکا (2017)میں ہندی ترجمہ ڈراما ’’علامہ ‘‘ کا ہندی ترجمہ (2017)میں کیا۔ زیر اشاعت : مضامین کا مجموعہ ’’دیداور‘‘مضامین کا مجموعہ ’’نوشتہ‘‘ ، کہانیوں کا مجموعہ ’’حکایات صالحہ ‘‘ بچوں کی کہانیوں کا مجموعہ۔ تحقیقی کام ’’منظوم ڈراما ‘‘، نظموں کا مجموعہ ’’خامہ‘‘ ، خواتین مضامین کا مجموعہ اعزازات و انعامات :اتر پردیش اردو اکیڈمی ایوارڈ 2015’’ڈراما علامہ پہلے ایڈیشن کے لیے،ریاستی سطحی ’’اردو خدمت گار ایوارڈ 2015‘‘احمد نگر ،ضلع اردو ساہتیہ پریشد وہفت روزہ مخدوم ،سنگم نیر۔ ( اردو ادب میں تانیثیت کی مختلف جہتیں کے لیے )،لپ کیئر فاؤنڈیشن کی جانب سے ’’جہانگیری اردو لٹریری ایوارڈ ‘‘ 2015(ڈراما علامہ کے لیے )،اتر پردیش اردو اکادمی انعام ’’نیاز نامہ ‘‘ کے لیے،نوجوان قلمکار اقبال ایوارڈانہیں ان کے سوشل ورک کے لیے ہندستان کی کئی این جی اونے انھیں اعزاز ات سے نوازا ہے۔

کمنٹ کریں